Foydalanish shartlari

1. Umumiy qoidalar

ilmprep — ilm.im taʼlim ekotizimining bir qismi boʻlgan onlayn taʼlim platformasi. Xizmat Oʻzbekiston Respublikasi hududida koʻrsatiladi.

Bu hujjatda «biz», «xizmat» yoki «platforma» deganda ilmprep va uning operatori tushuniladi. «Siz» yoki «foydalanuvchi» — xizmatdan foydalanadigan shaxs. Shartlar bilan birga Maxfiylik siyosati ham amal qiladi va u shu hujjatning ajralmas qismi hisoblanadi.

2. Xizmat nima va nima emas

Platforma IELTS imtihoniga tayyorgarlik uchun mashq materiallari, imtihon simulyatorlari, sunʼiy intellekt yordamida baholash va shaxsiy tayyorgarlik rejasini taqdim etadi.

Biz muayyan ball, natija yoki imtihondan oʻtishni kafolatlamaymiz. Natija koʻp omilga bogʻliq: mashq muntazamligi, boshlangʻich daraja, imtihon kunidagi holat va boshqalar.

3. Akkaunt

Xizmatning koʻp qismidan foydalanish uchun akkaunt kerak. Akkaunt yaratishda haqiqiy va toʻgʻri maʼlumot berishingiz shart.

• Akkaunt shaxsiy. Uni boshqa shaxsga berish, sotish yoki ijaraga qoʻyish taqiqlanadi.
• Parolingiz maxfiyligi uchun siz javobgarsiz. Akkauntingiz orqali qilingan barcha harakatlar sizniki hisoblanadi.
• Akkauntingizga ruxsatsiz kirilganini bilsangiz, darhol bizga xabar bering.
• Bitta ilm.im akkaunti ekotizimning barcha xizmatlariga (ilmprep, ilmmaps, ilmmate) yagona kirish beradi.

Xizmat bir vaqtda bitta qurilmada ishlashi mumkin: yangi qurilmadan kirilganda oldingi seans yopiladi. Bu akkauntni birgalikda ishlatishning oldini oladi.

4. Yosh chegarasi

Xizmatdan mustaqil foydalanish uchun kamida 16 yosh boʻlishi kerak. 16 yoshga toʻlmagan shaxs xizmatdan faqat ota-onasi yoki qonuniy vakili roziligi va nazorati ostida foydalanishi mumkin.

Oʻquv markaz oʻz oʻquvchilarini imtihonga kiritganda, u shunday rozilikni olgan deb hisoblanadi va shu uchun javobgar boʻladi.

5. Obuna va toʻlovlar

Xizmatning bir qismi bepul. Toʻliq kirish uchun obuna talab qilinadi. Narxlar sayt ichida koʻrsatiladi va oʻzgarishi mumkin — oʻzgarish faqat kelgusi toʻlov davriga taalluqli.

• Toʻlovlar Click va Payme toʻlov tizimlari orqali qabul qilinadi. Toʻlov jarayoni tanlangan tizimning oʻz qoidalariga ham boʻysunadi.
• Biz sizning karta maʼlumotlaringizni saqlamaymiz va koʻrmaymiz — ular toʻliq toʻlov tizimi tomonida qayta ishlanadi. Batafsil: Toʻlov xavfsizligi.
• Obuna muddati toʻlov muvaffaqiyatli tasdiqlangan paytdan boshlanadi.
• Obuna avtomatik uzaytirilmaydi, agar sayt ichida boshqacha koʻrsatilmagan boʻlsa.

6. Bekor qilish va pul qaytarish

Obunani istalgan vaqtda bekor qilishingiz mumkin — bekor qilish keyingi uzaytirishni toʻxtatadi, joriy muddat esa oxirigacha ishlaydi.

Pul qaytarish

• Toʻlov texnik xato tufayli ikki marta yechilgan boʻlsa, ortiqcha summa toʻliq qaytariladi.
• Xizmat bizning aybimiz bilan uzoq vaqt ishlamagan boʻlsa, oʻsha davr uchun mutanosib qayta hisob-kitob qilinadi.
• Obuna sotib olingach xizmatdan foydalanilgan boʻlsa (test topshirilgan, esse baholangan), foydalanilgan qism uchun pul qaytarilmaydi — bu xizmat allaqachon koʻrsatilgani uchun.

Qaytarish soʻrovi support@ilm.im manziliga yuboriladi va odatda 10 ish kuni ichida koʻrib chiqiladi.

7. AI baholash haqida

Writing va Speaking javoblari sunʼiy intellekt yordamida, rasmiy IELTS mezonlari asosida baholanadi. Baholash uchun javoblaringiz uchinchi tomon AI xizmatlariga (masalan, Google Gemini) uzatiladi — batafsil Maxfiylik siyosatida.

Baholash sifati kiritilgan matn yoki ovoz sifatiga bogʻliq. Juda qisqa, tushunarsiz yoki mavzuga aloqasiz javoblar uchun baho ishonchsiz boʻladi.

8. Kontent va intellektual mulk

Platformadagi barcha materiallar — matnlar, savollar, audio yozuvlar, dizayn, dasturiy kod va brend belgilari — mualliflik huquqi bilan himoyalangan va bizga yoki litsenziarlarimizga tegishli.

Ruxsatsiz quyidagilar taqiqlanadi:

• materiallarni nusxalash, tarqatish, qayta nashr etish yoki sotish;
• testlarni yozib olish, ekran tasvirini olib ommaga tarqatish;
• avtomatlashtirilgan vositalar (bot, skreyper) bilan kontentni yigʻish;
• kodni teskari muhandislik qilish yoki himoya choralarini chetlab oʻtish.

Shaxsiy, notijorat maqsadda oʻqish uchun foydalanish — ruxsat etiladi.

9. Siz yuklaydigan kontent

Esselaringiz, ovozli javoblaringiz va boshqa yuklagan materiallaringiz sizga tegishli boʻlib qoladi. Biz ularni faqat quyidagi maqsadlarda ishlatamiz:

• sizga baho va tahlil berish;
• sizning shaxsiy taraqqiyot statistikangizni yuritish;
• xizmat sifatini oshirish — bu holda maʼlumot anonimlashtiriladi va sizni aniqlash imkoni qoldirilmaydi.

Yuklagan materialingiz uchinchi shaxs huquqlarini buzmasligi kerak. Boshqa birovning matnini oʻzingizniki sifatida yuborsangiz, javobgarlik sizda.

10. Oʻquv markazlar uchun qoʻshimcha shartlar

Oʻquv markazlar imtihon terminali orqali oʻz binosida mock imtihon oʻtkazishi mumkin. Bunda quyidagi shartlar qoʻshimcha amal qiladi.

Markazning majburiyatlari

• Imtihon xonasi va texnik sharoitni — kompyuterlar, barqaror internet, kerak boʻlsa quloqchin va mikrofon — markaz taʼminlaydi. Internet uzilishi natijasida yuzaga kelgan muammolar uchun biz javobgar emasmiz.
• Berilgan login kartalari faqat oʻsha markazning oʻquvchilariga moʻljallangan. Ularni tashqariga tarqatish taqiqlanadi.
• Markaz oʻquvchilarining maʼlumotlarini (ism, telefon) platformaga kiritishda ulardan yoki qonuniy vakillaridan rozilik olgan boʻlishi shart.
• Imtihon davomida nazorat markaz zimmasida.

Bizning majburiyatlarimiz

• Login kartalarini va imtihon kontentini taqdim etish.
• Natijalarni hisoblash va markazga yetkazish.
• Har oʻrindiqqa imkon qadar turli variant berish.

Toʻlov va toʻxtatish

Narx va toʻlov tartibi markaz bilan alohida kelishiladi; ilova ichida toʻlov tizimi yoʻq. Kelishuv bajarilmasa, biz markazning yangi imtihon boshlash imkonini toʻxtatib qoʻyishimiz mumkin. Bunda allaqachon boshlangan imtihon toʻxtatilmaydi.

11. Taqiqlangan xatti-harakatlar

• Akkauntni boshqalar bilan boʻlishish yoki sotish.
• Xizmatga avtomatlashtirilgan hujum, ortiqcha yuklama berish yoki xavfsizlik choralarini chetlab oʻtishga urinish.
• Boshqa foydalanuvchining maʼlumotiga ruxsatsiz kirishga urinish.
• Platformadan qonunga zid, haqoratli yoki zararli kontent tarqatish uchun foydalanish.
• Imtihon materiallarini oldindan tarqatish yoki sotish.
• Boshqa shaxs nomidan roʻyxatdan oʻtish yoki soxta maʼlumot berish.

12. Xizmatni toʻxtatish

Shartlar buzilganida biz akkauntni ogohlantirish bilan yoki ogohlantirishsiz cheklashimiz yoki oʻchirishimiz mumkin. Jiddiy buzilishda (masalan, kontentni ommaga tarqatish) obuna puli qaytarilmaydi.

Siz ham istalgan vaqtda akkauntingizni oʻchirishni soʻrashingiz mumkin — tartib Maxfiylik siyosatida koʻrsatilgan.

Biz xizmatni yoki uning ayrim funksiyalarini oʻzgartirish, vaqtincha toʻxtatish yoki butunlay yopish huquqini saqlab qolamiz. Butunlay yopilgan taqdirda foydalanuvchilar oldindan xabardor qilinadi va foydalanilmagan obuna qismi qaytariladi.

13. Kafolatlar va javobgarlik chegarasi

Xizmat «qanday boʻlsa shundayligicha» taqdim etiladi. Biz uzluksiz, xatosiz ishlashni kafolatlamaymiz.

Biz quyidagilar uchun javobgar emasmiz:

• AI bahosining rasmiy IELTS natijasidan farq qilishi;
• foydalanuvchi yoki oʻquv markaz tomonidagi texnik muammolar — internet uzilishi, qurilma nosozligi, elektr taʼminoti;
• uchinchi tomon xizmatlari (toʻlov tizimi, AI provayder, hosting) ishidagi uzilishlar;
• imtihon natijasi yoki unga bogʻliq qarorlar oqibatida yuzaga kelgan bilvosita zarar — imkoniyat boy berilishi, vaqt yoʻqotilishi va shunga oʻxshashlar.

Har qanday holatda bizning javobgarligimiz siz oxirgi 12 oyda xizmat uchun toʻlagan summadan oshmaydi.

Bu chegaralar qonun bilan cheklab boʻlmaydigan javobgarlikka taalluqli emas.

14. Shartlarni oʻzgartirish

Shartlarni vaqti-vaqti bilan yangilashimiz mumkin. Muhim oʻzgarishlarda foydalanuvchilar sayt orqali yoki elektron pochta bilan xabardor qilinadi va oʻzgarish kuchga kirishidan kamida 7 kun oldin eʼlon qilinadi.

Oʻzgarishdan keyin xizmatdan foydalanishni davom ettirish yangi shartlarga rozilik deb hisoblanadi. Rozi boʻlmasangiz, foydalanishni toʻxtating va akkauntingizni oʻchirishni soʻrang.

15. Qoʻllaniladigan huquq va nizolar

Bu shartlarga Oʻzbekiston Respublikasi qonunchiligi qoʻllaniladi.

Nizolar avvalo muzokara yoʻli bilan hal qilinadi. Kelishuvga erishilmasa, nizo Oʻzbekiston Respublikasining vakolatli sudida koʻrib chiqiladi.

16. Aloqa

Savol, shikoyat yoki soʻrov boʻlsa: support@ilm.im

Murojaatlar odatda 3 ish kuni ichida koʻrib chiqiladi.

17. Toʻlov xavfsizligi va firibgarlikka qarshi choralar

Toʻlovlar bank va toʻlov tizimlari tomonida amalga oshiriladi. Bu boʻlimda firibgarlik amallari xavfi qanday cheklanishi va nazorat qilinishi yozilgan.

17.1. Karta maʼlumotlari xizmatga tushmaydi

Karta raqami, amal qilish muddati va CVV faqat toʻlov tizimining himoyalangan sahifasida kiritiladi. Biz ularni koʻrmaymiz, olmaymiz va saqlamaymiz. Saytimizda karta maʼlumotini kiritadigan forma yoʻq.

17.2. Shifrlash va standartlar

Sayt va toʻlov sahifasidagi butun trafik TLS bilan shifrlanadi. Toʻlov operatori karta maʼlumotlarini PCI DSS talablariga muvofiq qayta ishlaydi.

17.3. Bir martalik kod

Har bir amal kartani chiqargan bankning bir martalik kodi (OTP) bilan tasdiqlanadi.

17.4. Bankning firibgarlikka qarshi imkoniyatlaridan foydalanish

Internet-ekvayring shartnomasida koʻzda tutilgan cheklovlarni qabul qilamiz va Bankning imkoniyatlariga tayanamiz:

• karta va amal boʻyicha limitlar, shubhali amalni toʻxtatib turish yoki rad etish Bank va toʻlov tizimi tomonida qoʻllanadi;
• Bank rad etgan amal bizning tomonda bajarilmaydi — tarif va kirish faqat toʻlov tasdiqlangandan keyin beriladi;
• Bankning amalni tekshirish yoki bekor qilish soʻrovi soʻzsiz bajariladi: toʻlov bekor qilingan deb belgilanadi va u bergan kirish darhol olib tashlanadi;
• limitlarning aniq qiymatlari (bir martalik, kunlik, oylik) Shartnoma doirasida Bank tomonidan belgilanadi.

17.5. Bizning tomondagi nazorat

• har bir toʻlov buyurtmasi va tranzaksiya boʻyicha jurnal yuritiladi — sana, summa, holat, tranzaksiya raqami, hisob — va Bank soʻroviga koʻra taqdim etiladi;
• bitta buyurtma boʻyicha bir vaqtning oʻzida faqat bitta ochiq tranzaksiya boʻlishi mumkin;
• bir xil tranzaksiya identifikatori ikkinchi marta qabul qilinmaydi;
• toʻlov tizimi belgilagan muddatda tasdiqlanmagan tranzaksiya kuchini yoʻqotadi va keyin yakunlab boʻlmaydi;
• firibgarlik belgilari aniqlansa hisob bloklanadi va berilgan kirish olib tashlanadi;
• shubhali amal haqidagi murojaat 24 soat ichida koʻrib chiqiladi.

17.6. Shubhali amal haqida xabar berish

support@ilm.im manziliga «shubhali toʻlov» mavzusi bilan yozing va buyurtma raqami, sana hamda summani koʻrsating. Bankning amal yuzasidan soʻrovlari birinchi navbatda koʻrib chiqiladi.

17.7. Pul qaytarish

Asoslar va tartib Pul qaytarish siyosatida yozilgan. Pul toʻlov qilingan kartaning oʻziga qaytariladi.